拜六禮拜和台南的厝內人去高雄迌，佇車頂開講講著高雄的市容，青鳥厝內人就刁工問講 ：「高雄這幾年遐爾濟的建設是佗一个市長做--的啊？」 我應講：「高雄捷運是吳敦義做市長的時陣核定--的，陳菊做市長的亞灣區彼當陣中央是 馬英九、行政院長是吳敦義，所有的建設攏是中央和地方配合--的啦。」 青鳥厝內人一聽著毋是伊想欲愛的答案，開始削（siah）講：「馬英九這馬攏已經失智矣 ，講淡薄仔伊的好話嘛是會使啦，哈哈。」 我應講：「人馬英九已經是八十幾歲的老歲仔矣，身體有一寡狀況是盡正常的，人攏會老 ，免去恥笑老大人。」 青鳥厝內人瞬間起氣（khí-khì），開始大聲喝講：「我有咧講馬英九的歹話無？我這 馬有咧講馬英九的歹話無？馬英九失智敢毋是事實？」痟狂無限跳針。 出世佇這種負能量的家庭，真正想欲閃厝內人閃較遠咧。 ※ 每日發文數上限為5篇，自刪與板主刪除，同樣計入額度 ※ ※ 發文 內文請滿40字 ※ ------以上看完可使用 Ctrl+y 刪除------ ----- Sent from PttX on my iPhone -- ※ 發信站: 批踢踢實業坊(ptt.cc), 來自: 42.77.254.81 (臺灣) ※ 文章網址: https://webptt.cc/bbs/HatePolitics/M.1778498330.A.FAA.html ※ 編輯: huipo (42.77.254.81 臺灣), 05/11/2026 19:20:48